ஒவ்வொரு கிரகமும் தனக்கென்று பல காரத்துவங்களை கொண்டிருக்கும்‌ அதே போல் 12 பாவங்களும் தனக்கென்று பல ஆதிபத்தியங்களை கொண்டிருக்கும்..

உதாரணமாக சுக்கிரன் திருமணத்திற்கு காரகர் ஆகிறார்.. அதே போல் 7ம் பாவம் திருமணத்திற்கு ஆதிபத்தியம் வகிக்கிறது..

இங்கு... ஆதிபத்தியமும் காரகமும் இணைவது காரக பாவ நாஸ்தி என படுகிறது.. அதாவது திருமணத்திற்கு காரகனான சுக்கிரன் திருமணத்திற்கு ஆதிபத்தியம் கொண்ட 7ல் இடத்தில் இருப்பது காரக பாவ நாஸ்தி எனப்படுகிறது...

காரக பாவ நாஸ்தி அடையும் போது அந்த பலன் நடப்பதில் பிரச்சனைகள் உண்டாகும், தாமதம் உண்டாகும்...

எனவே தான் தனித்த சுக்கிரன் 7ல் இருக்க கூடாது என சொல்வதும் தனித்த குரு 5ல் இருக்க கூடாது என சொல்வதும் ஆகும்..

இதற்கு சில விதி விலக்குகளும் இருக்கின்றன...

1) வேறு கிரகங்கள் சம்மந்தம் அந்த பாவத்தில் இருந்தால் காரக பாவ நாஸ்தி வேலை செய்யாது..

2) அங்கு காரக பாவ நாஸ்தி அடையும் கிரகம் ஆட்சி பெற்றால் விதி விலக்காக கொள்ளலாம்...

இப்போது குரு தனம் என்பதற்கு காரகம் வகிக்கிறார். 2ம் இடம் தனத்திற்கு ஆதிபத்தியம் வகிக்கிறது.. இங்கு குரு அமர்ந்தாலும் காரக பாவ நாஸ்தியை ஏற்படுத்துவார்...

ஆனால் 2ம் ஆதிபத்தியத்தில் இருக்கும் தன்னுடைய காரகத்தை மட்டுமே பாதிப்பார்...
2ம் இடத்தில் இருக்கும் குடும்பம் , பேச்சி, வலது கண் ஆகியவற்றை எந்த பாதிப்பும் தர மாட்டார்...

அதே போல் 7ல் அமரும் சுக்கிரன் திருமணம் என்பதை மட்டுமே பாதிப்பை தருவார், 7ம் இடத்தின் மற்றொரு ஆதிபத்தியமான கூட்டு தொழிலுக்கு எந்த தீமையும் செய்ய மாட்டால்..

ஆனால் 5ல் அமரும் குரு... 5ல் இருக்கும் அனைத்தையும்‌ கெடுப்பார் காரணம் 5ம் இடத்தில் இருக்கும் அனைத்து ஆதிபத்திய பலன்களும் குருவின் காரத்துவத்திலையே வந்துவிடும்...

இவ்வாறு ஒவ்வொரு கிரகத்திற்கும் ஏற்படும் காரக பாவ நாஸ்தி பலனை கணிக்கலாம்...

இதுபோன்ற மேலும் பல தகவல்களுக்கு www.jothidasanmugan.blogspot.com என்ற தளத்தில் சென்று படிக்கவும்.

வணக்கம் நண்பர்களே...

ஜோதிடத்தில் ராகுவின் நிலைகளையும், நன்மை தீமை தருவதையும் பற்றி கணிப்பது சற்று சிரமமான விசயம்...

ஏன் எனில் ராகு திசை சில நிலைகளில் ஒருவரை கோடிகளுக்கு அதிபதி ஆக்கும் ..
அதே நேரம் வேறு சில நிலைகளில் கோடிகளுக்கு அதிபதியை கூட பிச்சை காரனாக்கும்...

பொதுவாக ஒரு லக்கத்திற்கு சில கிரக்ங்கள் நன்மை செய்யும் என்றும் சில கிரகங்கள் நன்மை செய்யாது என்னும் எடுத்துக்கொள்ளலாம்...

உதாரணமாக மீன லக்னத்திற்கு செவ்வாய் பெரும்பாலும் நன்மையையே செய்வார்....

அதே நேரம் மீன லக்னத்திற்கு சுக்கிரன் கெடுதல்களை செய்வார்...

இவ்வாறு ஒவ்வொரு லக்னத்திற்கும் பார்த்துக்கொள்ள முடியும்...

அதே நேரத்தில் ராகு, கேதுக்கள் இந்த லக்னத்திற்கு நன்மை செய்வார் இந்த லக்னத்திற்கு தீமை செய்வார் என கூறிவிட முடியாது...

ராகு நன்மை செய்ய வேண்டும் என்றால் அவர் 3,6,11,12ல் இருக்க வேண்டும்...
சரி இதில் இருந்துவிட்டால் மட்டும் போதுமா? என கேட்டால் கண்டிப்பாக இல்லை என்பது தான் பதில்.

6, 12ல் இருக்கும் ராகு சுபர்களின் பார்வையை பெற கூடாது அதே நேரத்தில் 3,11ல் இருக்கும் ராகு சுபர்களின் சம்மந்தத்தை பெற‌ வேண்டும்...

அதே போல் ராகு ராஜ யோகத்தை செய்ய வேண்டும் எனில் மேசம்,கடகம்,கன்னி,மகரம் அல்லது மீனம் ஆகிய வீடுகளில் இருக்க வேண்டும்...

மேலும் இந்த வீடுகள் லக்னத்தில் இருந்து 3,6,11,12 ஆக இருக்க வேண்டும்...

எந்த நிலையிலும் ராகு கேதுக்கள் லக்ன பாவரின் சம்மந்தம் பெற கூடாது...
 உதாரணமாக தனுசு லக்னமாக அமைந்து 6ம் வீடான ரிஷபத்தில் ராகு கேது அமர்ந்தால் ராகு சுக்கிரன் என்ன பலன்களை தனுசு லக்னத்திற்கு கொடுப்பாரோ அதே பலன்களைதான் கொடுப்பார் காரணம் ராகு இருப்பது சுக்கிரனின் வீடு....

இங்கு ராகு 6ல் இருந்தால் நன்மை செய்வார் என்ற விதி பொருந்தாது...

ராகு கேந்திரங்களில் இருப்பது கூட சிறப்புதான் ஆனால் கேந்திரத்தில் இருக்கும் போது திரிகோணாதிபதியின் சம்மந்தம் பெற வேண்டும்...

இந்நிலைகளில் ராகு கேந்திர திரிகோண பலன்களை அள்ளி கொடுப்பர்...

அதே போல் திரிகோணத்தில் ராகு இருப்பது சிறப்பு இல்லை என்றாலும் அங்கு ஒரு கேந்திராதிபதியுடன் சேர்க்கை பெறுவது ராகுவை நன்மை செய்ய வைக்கும்...

ராகு மிக பெரிய நன்மைகளை செய்ய வேண்டும் எனில் 3,11ல் இருந்து அந்த வீடுகள் மேசம்,கடகம்,கன்னி,மகரம் அல்லது மீனமாக இருந்து லக்ன சுபர்களின் பார்வை அல்லது சம்மந்தம் பெற்று சுபர்களின்‌ சம்மந்தத்தையும் பெற வேண்டும்...

இதுவே... ராகு பூரணமாக ராஜ யோகம் செய்யும் அமைப்பு....

இதற்கு அடுத்தபடியாக... 6,12ல் இருந்து
அந்த வீடுகள் மேசம்,கடகம்,கன்னி,மகரம் அல்லது மீனமாக இருந்து ராகுவிற்கு எல்லா கேந்திரங்களிலும் லக்ன சுபர்கள் பலம் பெற்று இருக்க வேண்டும்...

இந்த நிலைகளில் ராகு மிக பெரிய‌ராஜ யோகங்களை தன் திசைகளில் செய்வார்...அதே நேரம் ராகு 6,12ல் இருந்து சுபர்களின் சேர்க்கை பார்வை பெறும்‌ போது அந்த பாவம் பலம் பெற்று கடன், நோய், விரயம் ஆகியவை ஏற்படும்...

இந்நிலைகளில் ராகுவின் கேந்திரத்தில் லக்ன சுபர்கள் இருப்பின் கலப்பு பலன்கள் ஏற்படும்...

வணக்கம் நண்பர்களே....

உங்கள் ஜாதகத்தில் ராஜ யோகம் உள்ளதா ? என்ற தலைப்பில் இது இரண்டாவது பதிவு....

முதல் பதிவை படிக்காதவர்கள் கீழே உள்ள link ல் சென்று படித்துவிட்டு வரவும்....

Link: https://goo.gl/ZQNtwE

முதல் பதிவில் சில அடிப்படையான அமைப்புகளை சென்ற பகுதியில் பார்த்தோம்... தற்போது இன்னும் கொஞ்சம் ஆழமாக பார்க்கலாம்....  முதலில் நாம் ராஜ யோகத்தை அடைய வேண்டும் எனில் ஒரு கலையை கற்று அந்த கலையின் மூலம் புகழின் உச்சிக்கு செல்ல வேண்டும், அதன் பின் ராஜ யோகமானது தானாகவே நம்மிடம் வந்துவிடும்...

இங்கு உதாரணத்திற்கு திரு. ரஜினி யின் ஜாதகத்தையே பார்கலாம்...

வணக்கம் நண்பர்களே,

உலகில் பிறக்கும் அனைவருக்கும் ராஜ யோகமானது கிடைத்துவிடுவது இல்லை. உலகில் ஒரு குறிப்பிட்ட நேரத்தில் குறிப்பிட்ட இடத்தில் மட்டுமே ராஜ யோகங்களை அனுபவிக்கும் ஒரு குழந்தை பிறக்கிறது, அவர்களின் ஜாதக அமைப்பு எவ்வாரு இருக்கும் எண்பதை இன்றய பதிவில் காணலாம்...

ராஜ யோகத்தை அனுபவிக்க முதலில் ஜாதகத்தில் லக்னாதிபதி வலுவாக இருக்க வேண்டும். லக்னாதிபதி வலுவாக இல்லை எனில் ஜாதகருக்கு ராஜ யோகத்தை பெறும் ஒரு வாய்ப்பு வந்தால் கூட ஜாதகர் அதை பயன்படுத்தமாட்டார் மாறாக எந்த வேலையும் செய்யாமல் சோம்பேறியாக ஜாதகர் இருப்பார்...

சில நிலைகளில் மிக அதிர்ஷ்டமானவர்களின் ஜாதகத்தை பார்த்தீர்கள் எனில் அவர்களின் ஜாதகத்தில் லக்னாதிபதி நீசமாகி இருப்பார். இருப்பினும் இவர் எவ்வாறு ராஜ யோகத்தை அனுபவிக்கிறார் என நீங்கள் கேட்கலாம்...

கண்டிப்பாக அவரது ஜாதகத்தில் லக்னாதிபதி நீச பங்கம் ஆகியிருப்பார். இத்தகையவர்களின் வாழ்க்கை வரலாற்றை எடுத்து பார்தீர்களானால் அவர்கள் இளமையில் மிக வறுமையில் அல்லது கடினமான சூழ்நிலைகளில் வாழ்ந்திருப்பார்...

ஒரு கிரகம் ஆட்சி உச்சம் என்றவுடன் நமது ஜாதகம் யோக ஜாதகம் என நினைத்துவிட கூடாது...
உதாரணமாக அரச லாபத்தையும், அரசு பதவிகளையும் குறிக்கும் கிரகம் சூரியன், சூரியன் சித்திரை மாதம் முழுவதும் மேசத்தில் உச்ச நிலையில் இருப்பார்... எனவே அந்த சித்திரை‌ மாதத்தில் பிறந்தவர்கள் அனைவரும் ஜெயலலிதா போலவோ கருணாநிதி ஆகவோ மாறிவிடுவதில்லையே...

ஒரு முழூ ராஜ யோகத்தை அனுபவிக்க ஒன்றுக்கு மேற்பட்ட பல ராஜ யோக விதிகள் ஜாதகத்தில் ஒத்துவர வேண்டும்...

இதில் முதல் விதி தான் லக்னாதிபதி வலுவாக இருக்க வேண்டும்...
சில நிலைகளில் லக்னாதிபதி வலு அற்று இருப்பின் ராசி அதிபதி பலமாக இருக்க வேண்டும்...
இந்த நிலைகளில் இன்னும் பல தெளிவான யோகங்கள் இருந்தால் தான் ராஜ யோகம் கிடைக்கும்...

அடுத்ததாக குரு பார்வை லக்னம், லக்னாதிபதி, ராசி மற்றும் ராசி அதிபதி ஆகியவற்றிற்கு கிடைக்க வேண்டும். குறைந்தது இதில் 2க்கு அல்லது அதற்கு  அதிகமான இடங்களையாவது பார்க்க வேண்டும். இவை அனைத்தையும் குரு பார்ப்பது அரிதான ஒன்றுதான் இருப்பினும் ராஜ யோகத்தை அனுபவிக்கும் ஒருவர்‌ பிறப்பதும் அரிது தானே...

இத்தகைய நிலைமைகள் ஜாதகத்தில் இருந்தாலே ஜாதகர் ஏதாவது ஒரு துறையில் நிபுணத்துவம் பெற்றிருப்பார்..

இதன் பின் அவர் எந்த துறையில் உச்சத்தை அடைவார் அல்லது ராஜ யோகத்தை பெருவார் என்பதை இதற்கு அடுத்தாக ஜாதகத்தில் உள்ள யோக அமைப்புகளே தெரிவிக்கும்.

உதாரணமாக ஒருவர் சினிமா துறையில் ஜொலிக்க வேண்டும் எனில் அவரது‌ ஜாதகத்தில் சுக்கிரனும் ராகுவும் நல்ல நிலையில் இருக்க வேண்டும்...

ஒருவர் அரசாங்கத்தில் உயர் பதவிகளில் வகிக்க வேண்டும் எனில் சூரியனும், சிம்ம ராசியும் நல்ல நிலையில் இருந்து மேற்சொன்ன விதிகளும் ஜாதகத்தில் பொருந்தி வர வேண்டும்....

இதில் உள்ள இன்னும் சூட்சமான‌ விசியங்களை ராஜ யோகம் உங்கள் ஜாதகத்தில் உள்ளதா ? பகுதி 2 ல் காணலாம்....